Dashi
Yjet do sjellin një fllad ndryshimi gjatë kësaj dite dhe do ju shtojnë emocionet. Në shumë momente do ndiheni të lumtur. Ju të dashuruarit duhet të përfitoni nga çdo mundësi që do iu jepet sot për të bërë disa ndryshime në jetën tuaj. Do mund t’i largoni problemet e mëdha që keni pasur dhe do ndiheni më të qetë. Ju beqarët do keni sukses dhe kjo do e shtojë egon tuaj. Personi që do takoni do zërë një vend të rëndësishëm në jetën në vazhdim. Në punë për fat të mirë Planetët do ju mbështesin dhe nuk do ju lejojnë të ecni në rrugën e gabuar. Mos e përzieni dashurinë me financat sepse do i humbni të dyja njëherësh.
Demi
Sado që planetët të mundohen t’iu ndriçojnë mendimet sot ju sërish do veproni sipas mendjes tuaj dhe do bëni gabime të vazhdueshme. Nëse jeni në një lidhje ka mundësi që të kaloni vështirësi të shumta. Nuk do kuptoheni aspak mirë me personin në krah dhe nuk do toleroni asnjë çast. Ju beqarët do mbeteni sërish vetëm edhe pse do jeni gjithë kohës në kërkim të princit të kaltër. Në punë Hëna do ju ndihmojë të ruani qëndrueshmërinë, megjithatë do ju duhet ende të bëni shumë përpjekje për të arritur objektivat përfundimtare. Në planin financiar do surprizoheni nga një shumë e madhe që do merrni nga dikush.
Binjakët
Planetët Venus dhe Jupiter do iu japin një vizion më pozitiv gjatë kësaj dite për shumë sektorë të jetës. Do ecni goxha përpara. Ju të dashuruarit do flisni gjerë e gjatë me partnerin tuaj dhe do ju gjeni zgjidhje disa problemeve që keni pasur. Të dy do jeni më tolerantë se më parë dhe do i kuptoni gabimet. Ju beqarët do preferoni të qëndroni edhe disa kohë vetëm sepse nuk keni besim tek personat që po ju vijnë vërdallë. Në punë priten përmirësime goxha të mëdha. Do ecni aq shumë përpara saqë në disa momente do ju duket gjithçka si ëndërr. Bashkëpunimi i ri do sjellë një fllad më interesant. Financat do mbeten të qëndrueshme për aq kohë sa ju të mos e teproni me shpenzimet.
Gaforrja
Gjatë kësaj dite do gjeni një drejtim ku duhet të ecni dhe do iu jepni prioritet disa gjërave që vlejnë me të vërtetë. Nuk do humbni asnjëherë kohë kot. Nëse jeni në një lidhje dhe së fundmi marrëdhënia me partnerin ka qenë e qëndrueshme, edhe sot gjërat do vazhdojnë të ecin mirë. Do jeni të matur dhe do e dashuroni pa dorashka atë që keni në krah. Ju beqarët do filloni histori dashurie pasionante dhe jeta do ju ndryshojë përgjithmonë. Në punë do ju duhet të bëni pak më shumë përpjekje për të arritur vërtet atje ku doni. Në disa momente do ngrini edhe pikëpyetje, megjithatë do e gjeni rrugën nga duhet të kaloni. Me financat mos bëni asnjë lloj çmendurie sepse gjërat mund të marrin tatëpjetën.
Luani
Venusi do ua ngrohë zemrën gjatë kësaj dite. Do keni marrëdhënie të mirë edhe me disa miq me të cilët ishit ftohur dhe kjo do ju shtojë buzëqeshjen. Nëse jeni në një lidhje, jeta juaj do influencohet pozitivisht nga të gjithë planetët. Do merreni vesh për çdo gjë dhe do i zgjidhni edhe mosmarrëveshjet e vogla që kanë mbetur pezull. Ju beqarët do keni disa takime interesante, por që nuk do mund t’ua ndryshojnë dot jetën. Në punë do dini si të punoni në grup dhe t’i dëgjoni mendimet e bashkëpunëtorëve tuaj. Nëse merreni me tregti ose jeni artistë do keni më shumë fat. Me financat duhet të keni kujdes sepse gabimi më i vogël do ju kushtojë shtrenjtë në të ardhmen.
Virgjëresha
Gjatë kësaj dite do dini të veproni, por edhe të shpjegoni çdo hap që do hidhni. Mërkuri dhe Dielli do jetë përherë pranë jush. Ju të dashuruarve do ju duhet patjetër të merrni disa vendime të rëndësishme sepse ka kohë që gjërat nuk po ecin si i kishit menduar. Ju beqarët nuk do jeni në humorin e duhur dhe nuk do keni durim të kërkoni personin ideal. Në punë dëgjojini me shumë kujdes këshilla që do iu japin sepse ato mund t’iu ndryshojnë tërësisht mënyrat e të vepruarit. Shefat do ua njohin të gjitha meritat. Financat do jenë goxha të mira. Nuk pritet asnjë problem apo vështirësi në këtë sektor kështu që mund të rrini të qetë.
Peshorja
Edhe pse do mundoheni të jeni realistë dhe të arrini kompromise, gjatë kësaj dite asgjë nuk ka për të qenë e lehtë. Pa e kuptuar do merrni pushtetin mbi të tjerët dhe do kërkoni që ata të bëjnë si doni ju. Për ju të dashuruarit do jetë ditë tejet e trazuar dhe delikate. Asgjë nuk ka për të ecur ashtu si e kishit menduar, prandaj bëni kujdes. Ju beqarët do bëni edhe sakrifica vetëm që të mos mbeteni më vetëm. Në punë do jeni më të përgjegjshëm dhe nga ana tjetër arritjet që keni pasur do nxitin besimin tek kolegët dhe shefat. Përfitoni sa të mundni nga kjo pasi jo gjithmonë do jetë kështu. Gjendja e financave mund të përmirësohet disi nëse arrini ta përfundoni projektin e nisur në punë. Pranojeni ndihmën që do iu japin disa kolegë të vjetër.
Akrepi
Jupiteri dhe planetë të tjerë do ju ndihmojnë të keni një komunikim të mirë me të gjithë sot dhe kjo do ruajë ambientin harmonik. Ju të dashuruarit do e rregulloni marrëdhënien në çift dhe do ndiheni më mirë pranë partnerit tuaj. Më në fund do i kuptoni edhe gabimet. Ju beqarët nuk do keni asnjë nevojë për të ndryshuar menjëherë statusin prandaj do i merrni gjërat si t’iu vijnë. Në punë do filloni edhe ndonjë projekt të ri, por asgjë nuk do ju trembë, Ju i keni të gjitha aftësitë e nevojshme për t’ia dalë mbanë me sukses. Nëse ju propozohet edhe një post mendojeni seriozisht për ta pranuar. Për të përmirësuar buxhetin është e rrezikshme të besoni tek lojërat e fatit. Me to mund të humbni më shumë nga sa mendoni.
Shigjetari
Gjatë gjithë kësaj dite duhet të mendoni sa më pozitivisht dhe të mos dorëzoheni përballë sfidave. Yjet kanë parashikuar gjëra interesante për ju. Atmosfera për ju që jeni në një lidhje do jetë e ngrohtë dhe harmonike. Bashkëpunimi dhe komunikimi do mbizotërojë gjatë gjithë kohës. Nëse mendoni për një të ardhme së bashku duhet te përgatisin projektet. Ju beqarët do filloni një histori dashurie, e cila do shndërrohet shpejt në një lidhje goxha serioze. Në punë ka mundësi t’iu jepet një mision i ri që duhet ta pranoni pa u menduar dy herë. Kushtet në të cilat do punoni do jenë shumë më të mira se deri më sot. Me financat nuk do i keni mirë punët sepse do shpenzoni jashtë mase.
Bricjapi
Gjatë kësaj dite do jeni gjatë gjithë kohën nën presion dhe mund të bëni gabime të pamenduara. Idetë nuk do i keni të qarta aspak dhe ndonjëherë do e deformoni edhe realitetin. Jeta juaj në çift nuk do jetë ashtu si ju e keni pritur. Nuk do mungojnë debatet dhe mosmarrëveshjet çka do e tensionojë mjaft ambientin. Ju beqarët do jeni sharmantë dhe do tërhiqni vëmendjen e të gjithëve. Mos ngurroni të paktën të njiheni me disa persona. Në punë ka rrezik të ndodhin gjëra që nuk i kishit parashikuar. Kompania mund të pakësojë stafin ose mund të mbyllet krejt papritur. Lajmet nuk do jenë të mira. Gabimi më i vogël mund t’iu kushtojë shtrenjtë në planin financiar. Kujdes me hapat që do hidhni.
Ujori
Gjatë kësaj dite do jeni shumë të zgjuar dhe do dini të merreni fillimisht me gjërat prioritare. Jeta sentimentale për ju të dashuruarit do jetë prioritet në çdo moment. Do i lini mënjanë të gjitha problemet që keni kaluar dhe do bëni të pamundurën të riktheni harmoninë. Ju beqarët nuk do fillojnë histori dashurie sepse nuk do ndiheni gati. Ftesat nuk do mungojnë, por është më mirë të mos nxitoheni. Në punë do jeni shumë të ndërgjegjshëm për ngarkesën që do keni, por do jeni të detyruar të mos ndaleni. Më mirë të lodheni pak tani dhe më pas të jeni të qetë sesa të qëndroni gjithë kohës në ankth. Me financat do tregoheni më të organizuar dhe më të arsyeshëm. Shlyeni edhe borxhet.
Peshqit
Temperamenti juaj gjatë kësaj dite do ju habisë edhe ju vetë. Do jeni të qetë dhe tejet tolerantë. Të gjithë do ju shohin me adhurim. Ju të dashuruarit do ndiheni shumë mirë pranë atij që doni dhe nuk do keni çfarë të kërkoni më tepër. Mosmarrëveshjet e së kaluarës i keni lënë pas krahëve njëherë e mirë. Ju beqarët do jeni më të vendosur se kurrë për të filluar një histori dashurie me personin që ka kohë që iu josh. Marsi do iu japë gjithë energjinë që do ju duhet gjatë kësaj dite për të arritur gjithçka keni ëndërruar në punë. Asgjë nuk do ju trembë dhe nuk do druheni as nga kritikat. Të ardhurat duhen menaxhuar me shumë përkujdes që të mos ketë më vështirësi.
