Delinda Disha ishte së fundmi e ftuar në emisionin “Natën me Aulonën”, ku kujtoi periudhën e saj më të vështirë. Muaj më parë ajo humbi binjakët që po priste.
Aktorja tregoi me lot në sy se ajo dhe bashkëshorti i saj i dëshironin shumë, mirëpo lumturia e tyre zgjati vetëm tre muaj.
Ne i dëshironim shumë ose e dëshironim shumë një fëmijë të dytë, ta zgjeronim familjen tonë, dhe nuk ishte një ishin dy. Por fatkeqësisht kjo gjë nuk ndodhi dhe zgjati shumë pak, vetëm tre muaj. Është dashur mbi një muaj që të marr veten, por nëse do ta përshkruaj me fjalë taman, e kam ngrënë veten me dhëmbë në sensin e mirë të fjalës. Kur shikoja Dasantinin që rritej çdo ditë, që edhe ai më jepte suport, Eldo në mënyrë të padiskutueshme, familja ime, dhe ja ku jam sot. Më kanë bërë përshtypje mesazhet pafund që më vinin, nuk isha e vetmja që e kisha kaluar këtë gjë”, u shpreh Delinda.
