Policia e Lezhës ka identifikuar autorin e dyshuar të plagosjes me armë në Gjadër të Lezhës.
Në një njoftim zyrtar policia thotë se autori i dyshuar është Gabriel Marku.
Uniformat blu janë duke kontrolluar zonën për kapjen e tij.
Ngjarja ndodhi pas një konflikti të çastit për motive të dobëta, ku i plagosur mbeti Dorian Gjini 24 vjeç, i cili mori një plumb në këmbë. Ky i fundit ndodhet në spital jashtë rrezikut për jetën.
Grupi hetimor në vendin e ngjarjes po kryen të gjitha veprimet hetimore për sqarimin e plotë të rrethanave të ngjarjes
