U deshën dy ditë që Ministrja Bora Buzhaqi, të arrinte të raportonte mbi Projektbuxhetin e vitit 2023 në Komisionin e Çështjeve Sociale në Kuvend.
Shkak janë bërë debatet e inicuara që një ditë më parë nga kryetarja e komisionit Grida Duma.
Edhe sot situata ka qenë e njëjtë, por Muzhaqi ka arritur të raportojë më në fund.
Paraprakisht gjatë raportimi, deputeti Ilir Metaj ka debatuar me Dumën ndërsa kjo e fundit ka ndërprerë mbledhjen duke kërkuar marrjen e masave disiplinore për deputetin Ilir Metaj.
Debati:
Duma: Unë përmbahem me ty, se e di se çfarë bën ti, pastaj ku ju sulesh kolegëve
Metaj: Me mua?
Duma: Po përmbahen se nuk është çështja të bëhesh lajm se si u sulesh kolegëve
Ndërkohë deputeti Metaj flet
Metaj: Do të më ndërpresësh mua kur flas?
Duma: A më pyete?
Metaj. Si të më ndërpresësh…
Duma: Nuk të ndërpreu, të bëri koment.
Metaj: A mund të ma shpjegosh pak si është komenti.
Duma: Kështu është, koment dhe ndërprerje janë dy gjëra të ndryshme
Metaj: Si është në formimin tuaj, ku ndryshojnë ndërprerja dhe komenti.
Duma: Duke qenë se ju keni fuqinë të vazhdoni, unë them vazhdoni.
Meta: Jo fuqinë, unë kam të drejtën.
Duma: Edhe të drejtën..
Metaj: Këtu mundohuni të përmbahuni dhe të respektoni kolegët kur flasin, sespe edhe kur flisni ju nuk jam dakort me ato që thoni, biles mendoj, çfarë nuk mendoj, por respektoj të drejtat tuaja
Kështu që edhe kur flas , përmbahuni, përmbahuni është shumë e thjeshtë. Keni edhe ujë para
Duma: Ndërpritet komisioni dhe do të mblidhemi për masë displinore
Metaj: Si qe kjo.
Duma: Kështu siç po ua them. T’i drejtohet kolegëve ke ujë para, apo ke ujë mbrapa do të merret masë disiplinore.
