E ndërsa iu ka kërkuar falje jo vetëm për demokratëve, por edhe gjithë shqiptarëve, Basha tha se PD-ja në vend që të luftonte për interesat e vendit, ka luftuar për karrige dhe zyra brenda vetes.
Sakaq, Basha nuk i ka kursyer dhe akuzat për Sali Berishën, i cili është kthyer në kundërshtarin e tij kryesor.
Për këtë arsye, ai tha se tashmë ka ardhur koha për një fillim të ri duke premtuar se PD do të rikthehet një alternativë qeverisjeje.
“Arsyeja pse jemi këtu bashkë, arsyeja pse ekzistojmë si forcë politike është që t’ju shërbejmë njerëzve, jo vetes tonë! Qëllimi pse ekzistojmë është që t’ju ofrojmë shqiptarëve alternativë për qeverisjen e tyre, zgjidhje për problemet e tyre, rrugëdalje për hallet e tyre, vizion për të ardhmen e tyre. Dhe këto do të jenë udhërrëfyes i rrugës së re që nisim bashkë sot”, përfundoi Basha.
