Djathi norvegjez Jarlsberg del si një nga aleatët më të mirë kundër osteoporozës sipas një studimi të publikuar në BMJ Nutrition Prevention & Health. Në veçanti, konsumimi ditor i një sasie të vogël djathi (57 g) mund të parandalojë përkeqësimin e kockave, pa rritur në fakt kolesterolin.
Është një djathë i verdhë gjysmë i fortë i qumështit të lopës me vrimat karakteristike, i cili mund të hahet edhe i prerë në feta brenda një sanduiçi. Vjen nga Jarlsberg në Norvegjinë lindore, prej nga ka marrë edhe emrin.
Sipas materialit të mëparshëm kërkimor, ky djathë i veçantë luajti një rol në rritjen e niveleve të osteokalcinës, një hormon që lidhet me kocka dhe dhëmbë të fortë, por nuk ishte e qartë nëse kjo ishte për shkak të këtij djathi të veçantë apo ndonjë lloj djathi.
