Pas reagimeve të shumta në rrjetet sociale, në mediat rozë apo nga personazhe të njohur për deklaratat e këngëtarit Luiz Ejlli, brenda shtëpisë së “Big Brother VIP”, kur foli për sëmundjen e rrallë nga e cila vuante dhe më vonë e mohoi këtë, ka një tjetër deklaratë në faqen zyrtare të këngëtarit në “Instagram”.
Në postimin në “Instastory” shkruhet ndër të tjera se Luizi ka hyrë për të luajtur dhe për të fituar me forcat e tij dhe jo për t’u mëshiruar për asnjë lloj arsye.
“Krenaria e tij është më shumë se një lojë. Respektoni zgjedhjen e tij”, shkruhet në postim.
“Koha për ta dëshmuar që jemi me Luizin përtej çdo arsye personale. Le t’ia tregojmë mbështetjen për çfarë na ka dhuruar në gjithë këto ditë dhe jo për çfarë trupi i tij ka apo zemra e tij ndjen apo çfarë problemesh e rrethojnë. Le të merret shkenca me problemet shëndetësore të të gjithëve ne.
Luizi ka hyrë për të luajtur dhe për të fituar me forcat e tij dhe jo për tu mëshiruar për asnjëlloj arsye. Krenaria e tij është më shumë se një lojë. Respektoni zgjedhjen e tij”, shkruhet në një postim në faqen e tij zyrtare në “Instagram”.
