Zbardhet Dinamika e atentatit ndaj Gentjan Bejtjes, ku si pasojë humbi jetën kunati i tij Ramazan Sino. Autorët kanë qëlluar pa mëshirë drejt objektivit, edhe pse aty ka pasur fëmijë, dy prej të cilëve kanë mbetur të plagosur.
Familja ka qenë e gjitha në oborr, ku përveç Bejtjes e viktimës, aty kanë qenë edhe fëmijë e gra. Ata kanë qenë te gjithë në derën e brendshme të oborrit të banesës.
Ndërsa autorët kanë qëlluar nga dy lloje armësh me breshëri në derën kryesore të oborrit, nga një distancë rreth 35-40 metra.
Në vendin e ngjarjes janë gjetur gati 25 gëzhoja. Sipas burimeve mësohet se autoret kanë bërë pritë, ku e kanë pritur disa minuta jashtë banesës.
Në momentin që ka hyrë makina e kunatit dhe Begja ka dal në oborr ata kanë qëlluar me breshëri, më pas autorët kanë hyrë sërish në ambientet e brendshme të shtëpisë dhe kanë qëlluar objektivin.
