Ndërpriten reshjet por ja si paraqitet situata në Dardhë

Ndërprerja e reshjeve të dëborës në juglindje të vendit, është pasuar nga ulja e ndjeshme e temperaturave.

Në zonat rurale trashësia e dëborës ka arritur deri në 50 cm, ndërsa në zonat urbane deri në 15 cm. Vlerat më të ulëta termometri i shënoi në Dardhë, me -12 gradë celcius.

Rrugët nacionale te qarkut janë te hapura dhe te qarkullueshme normalisht për mjetet, ndërsa aksi Korçë-Dardhë qarkullohet vetëm me zinxhirë.

Problem këtë të diel mbetet era e fortë dhe ngricat.

Reshjet e dendura të borës izoluan disa fshatra në zonat malore të bashkisë së Pogradecit, Korçës dhe Kolonjës, të cilët që prej së shtunës nuk furnizohen me energji elektrike.

Rrugët e fshatrave mbeten të paaksesueshme për shkak të intensitetit të lartë të dëborës, ku në disa zona trashësia ka arritur deri në 1 metër.

Lexo edhe:

Reshjet e shiut, si paraqitet situata në vend: Bllokohet rruga Skuraj-Burrel, përmbytje në Mirditë Reshjet e dendura të shiut e stuhitë “mbërthyen” vendin, ja si do paraqitet moti në fundjavë Rrugë të bllokuara, përmbytje e mungesë energjie/ Si paraqitet situata nga moti i keq në vend