Moderatorja Bieta Sulo megjithëse i ka mohuar zërat se është shtatzënë, nuk e fsheh dëshirën për të zgjeruar familjen.
Gjatë puntatës së fundit të emisionit të saj, ajo po përshëndeste të ftuarit në studio, mes të cilëve ishte edhe gazetari Ervin Kurti. Ky i fundit i uroi Bieta Sulos ta shtojë familjen me një fëmijë tjetër, dhe moderatorja nuk e fshehu aspak dëshirën për një vajzë.
Biseda:
Ervin Kurti: Ishalla ta shtoni familjen dhe me një tjetër…
Bieta Sulo: Dhe me një gocë.
Ervin Kurti: Duhet dhe një gocë.
Bieta Sulo: Është vetëm në dëshirat për momentin.
Moderatorja sqaroi pak kohë më parë një herë e mirë të gjitha zërat se është në pritje të ëmbël. Bieta prezantonte të ftuarën e saj Inida Kreuz (Zhaku), e cila është shtatzënë për herë të parë, kur ajo i tha moderatores se ka marrë një nur shtatzënie, duke e ngacmuar të rrëfejë diçka më shumë.
“Faleminderit, por nuk jam se kam parë së fundmi që më kanë bërë shtatzënë dhe me vajzë. Më marrin edhe të afërmit në telefon dhe më thonë “pse s’më thua”– tha Bieta Sulo, duke sqaruar gjithçka.
Bieta e ka shprehur edhe disa herë të tjera dëshirën për t’u bërë nënë për herë të dytë.
“U dashka dhe vajza… ja ta mendojmë, ndoshta viti tjetër nuk dihet se çfarë sjell”, ka shprehur ajo kohë më parë. Ajo është nënë e një djali, i cili quhet Kroi Art. Bieta Sulo është prej vitesh e martuar me moderatorin Alban Dudushi.
