Një ngjarje e rëndë është zbuluar në Dodos të Greqisë ku një shqiptar është rrëmbyer, torturuar dhe masakruar me thikë e sëpatë. Një italian 46-vjeçar mësohet se është i akuzuari kryesor për ngjarjen e rëndë, pasi për shkak të një borxhi dyshohet se masakroi shqiptarin.
Kjo histori i ka rrënjët në vitin verën e vitit 2016. Mësohet se protagonistë të sherrit janë bërë një 46-vjeçar dhe nipi i tij 35-vjeçar. Mediat greke shkruajnë se autorët janë lënë të lirë me kusht dhe janë dënuar me një gjobë prej 2000 eurosh.
Ndërkohë për shqiptarin thuhet se shqiptarit i lidhën gojën, duart dhe këmbët dhe më pas i kishin vendosur një litar në qafë dhe e kishin dërguar në një magazinë që shërbente si dyqan, duke e masakruar me thikë dhe sëpatë.
46-vjeçari italian kishte dalë nga dyqani dhe si roje kishte lënë nipin, por këtë të fundit e kishte zënë gjumi. Nga kjo situatë shqiptari arriti që të shpëtonte, ndërsa kishte njoftuar policinë. Kjo e fundit gjeti në vendin e ngjarjes një sëpatë, një litar dhe një kordon, si dhe një shami me të cilën 38-vjeçari shqiptar tha se i kishin zënë gojën. Dy italianët u arrestuan duke u kapur edhe me substanca narkotike, por më pas u lanë të lirë duke u dënuar vetëm me gjobë.
Ndërkohë mësohet se sherri mes tyre kishte ardhur vetëm për shkak të një borxhi për një motor të shitur.
