Deputeti i PS-së, Ornaldo Rakipi ka folur ditën e sotme në Kuvend, për statusin “non grata” të babit të tij dhe për akuzat se ai ka blerë votat për të qenë deputet.
Rakipi ka shprehur se votat nuk i ka blerë por i ka fituar pasi babi i tij është një njeri tepër popullor dhe se ata e vlerësojnë SHBA-në si familje. Po ashtu ai e ka akuzuar Bashën si njeri fals i cili nuk iu është gjendur njerëzve kur kanë pasur nevojë për të.
Nuk ka detyrim më të madh sa ky që ta justifikoj këtë besim bujar, dua të sqaroj qytetarët sa i përket aktit të DASH, im atë po ndërmerr çdo hap për të marrë drejtësi, vlerësojmë ambasadën amerikane, por vendimi i tyre ka lë mundësi apelimi. Kam një fjalë për Lulzim Bashën, mos mallko suksesin tjetër, por politika është takime me njerëzit, prandaj ke dështuar se nuk arritje që të marrësh besimin e njerëzve se je fals dhe je materialist, kur gjendesh atyre në ditë të vështira, kur kanë një problem, kur nuk i dëgjon kush, babi im bëhet copash për të ndihmua një njeri në nevojë, babai im ndryshe nga ti ka burrni. sa për akuzat ju ftoj ju, mediat, të hetoj aktivitetin tim, që nga momenti i angazhimi deri tani, nuk do humb asnjë sekondë, do e justifikojë besimin e shqiptarëve”, tha Ornaldo Rakipi.
