Katër persona kanë humbën jetën në një aksident tragjik orët e para të mëngjesit të së dielës në aksin Fushë-Krujë-Milot.
Si pasojë e përplasjes së dy automjeteve kanë ndërruar jetë dy drejtuesit, Alfred Dika 39 vjeç dhe shtetasi Artan Alushi, 30 vjeç, si dhe pasagjerët Shkumbin Brati 20 vjeç, dhe Almenia Karaj 16 vjeçe, të cilët po udhëtonin në mjetin që drejtonte 30-vjeçari Alushi.
Ndërkohë në të njëjtin aks rrugor, dy vite më parë (18 mars 2020) humbën jetën katër persona të tjerë, viktimat Fatlum Xhikoli, 33 vjeç, Arben Kani, 36 vjeç, Nazim Rrahmani, 36 vjeç, dhe Luljan Mahilaj 45 vjeç.
Viktimat po udhëtonin me një mjet tip “Audi”, kur i kanë rënë nga pas një kamioni me targa kosovare.
Në pamjet e siguruara nga Gazeta Panorama shihet copëzat e makinave të përfshira në aksidentin e sotëm (6 mars) në këtë aks.
Ndërkohë në pamjet, në të njëjtin vend është edhe përkujtimorja me emrat dhe fotot e katër viktimave të aksidentit tragjik 2 vite më parë.
