66 kg kokainë janë sekuestruar në Portin e Pireut në Greqi pas një aksioni të forcave vendase me DEA-n Amerikane. Droga që vinte nga Amerika Latine ishte e ndarë në 58 pako.
“Kathimerini” shkruan se droga ishte e destinuar për një grup kriminal shqiptar. Janë arrestuar tre grekë, mes tyre një ish-futbollist.
Ish-futbollisti 41-vjeçar, po sipas mediave të vendit fqinj është pronar i një kompanie riparimi frigoriferësh dhe kishte një kontratë me portin si partner i jashtëm.
Ish-futbollisti, sipas oficerëve përgjegjës, ka qenë ai që ka pasur kontaktet me kartelin, të cilët e kanë informuar për numrin e kontejnerit me ngarkesën e kokainës.
