Kryeministri Edi Rama do e kritikonte para të gjithë socialistëve ish-ministren e tij Olta Xhaçka për mosaktivizimin e saj në rrjetet sociale.
Në Asamblenë Kombëtare të 11 shkurtit, Rama iu drejtua Xhaçkës, por edhe të pranishmëve të tjerë, duke i kërkuar të jenë aktivë në rrjetet sociale.
Nëse nuk e dini, “Rilindja” ka ndërtuar një rrjet të komplikuar për nga mënyra se si funksionon në rrjetet sociale, që nga shpërndarja me detyrim e postimeve të kryeministrit, apo kryetarëve të bashkive, deri te monitorimi i çdo komenti, majde edhe me sistem pikësh.
Dhe presioni i Ramës e bëri menjëherë efektin. Të nesërmen, e 12 shkurtit, pas një pushimi të gjatë, Xhaçka u rikthye në rrjetet sociale me mesazhin “ja ku jemi”. Ndonëse mendja e ish-ministres duket se ndodhej diku tjetër, te problemet që kishin nisur të shfaqeshin me investimin strategjik të bashkëshortit të saj, Artan Gaçi, e që sot janë zyrtarisht në fletët e dosjes që ndodhet në SPAK.
Por rikthimi i Xhaçkës në rrjetet sociale duket se nuk zgjati shumë. Sot ajo bën plot 19 ditë që nuk ka bërë më asnjë postim në rrjetet sociale. Asnjë fjalë e kryeministrit e shpërndarë për 19 ditë, asnjë sukses i qeverisë nuk është ripostuar në profilin e saj në Facebook.
Lexo edhe:
DENONCIM/ “Olta Xhaçka emëron diplomate gruan e trafikantit që SPAK u sekuestroi pronat”, kush janë Juna Harka dhe Ramazan Keskin
SPAK bën gati prangat, në shënjestër strategjikët Olta Xhaçka dhe Artan Gaçi? Çfarë tha Rama sot për Jorgo Goron
Pse Kuvendi nuk i “dorëzon” strategjikët Olta Xhaçka dhe Artan Gaçi?
