Skafi që shkaktoi tragjedinë mesditën e djeshme në plazhin e Potamit ishte në pronësi të shtetasit Adhurim Kushi, bazuar në dokumentacionin e saj.
Burime bëjnë me dije se Kushi ka qenë person me precedent penal në fushën e vjedhjeve, me origjinë nga Elbasani, qytet në të cilët Arjan Tase ishte shefi i policimit në komunitet.
Mjeti që aksidentoi të miturën është transportuar në pikë bllokimi, ndërkohë që vetë Tase u vu në pranga nga Agjensia e Mbikqyrjes Policore.
Më herët ai kishte mbajtur detyrën e shefit të komisariatit të Himarës, ku dhe ishte pezulluar nga detyra, pas akuzave për bashkëpunim me grupet kriminale në kultivimin e lëndëve narkotike.
Mesditën e djeshme, Arjan Tase në kundërshtim me ligjin zbarkoi në bregdetin e Potamit, për të marrë familjarët e tij, për ti nxjerrë shëtitje në det.
Manovrat e gabuara të mjetit me dy motorrë që drejtonte, i morën jetën vogëlushes Jonada Avdia, e cila së bashku me familjarët e saj ishte kthyer nga Britania e Madhe për të pushuar në atdhe.
Lexo edhe:
Një vit nga tragjedia e Potamit, 7-vjeçarja Jonada Avdia u përplas për vdekje me skaf nga ish-polici Arjan Tase
Polic me ilaçe depresioni/ Thellohet skandali i vrasjes brenda komisariatit numër 3 në Tiranë
A do ta pyesë SPAK-u Kastratin? Thellohet skandali i portit në Sarandë, fillon marrja e dëshmive
