Drejtori i Përgjithshëm i Policisë së Shtetit, Muhamet Rrumbullaku në një prononcim në ‘Çim Peka LIVE’ në SYRI TV, ka deklaruar se punonjësit e policisë së patrullës që bënë ndalimin e Laer Kurtit, janë të pezulluar nga detyra deri në përfundim të hetimeve.
Rrumbullaku nuk preferoi të bëjë komente dhe të japë informacione të tjera në lidhje me ngjarjen, duke u shprehur se policia duke qenë palë e kësaj ngjarje, nuk mund të japë asnjë deklaratë.
‘Policia duke qenë palë, në lidhje me problemin, nuk ka dhënë asnjë lloj deklarate. Ju lutem shumë, përgjigjia ime është e thjeshtë dhe e qartë. Është një rast fatkeq. Ju lutem shumë, nuk kemi një polici të inkriminuar. Nëse bëhet fjalë për rastin, do të ketë një ekspertizë mjekoligjore. Unë jam drejtor i përgjithshëm dhe nuk mund të jem pjesë e hetimit. Po janë të pezulluar punonjësit e policisë’, tha kreu i Policisë së Shtetit, Muhamet Rrumbullaku.
Lexo edhe:
Vdekja e 32-vjeçarit në komisariat, flet motra e Lear Kurtit: Biseda e fundit me vëllain…
Miq prej 15 vitesh, Stresi reagon i tronditur për vdekjen e Lear Kurtit, paralajmëron Ardi Veliun
“E kanë goditur në kokë e trup”/ Trondit shoku i Lear Kurtit: E gjeta të shtrirë në tokë në Komisariat, fajin e ka policia
