Një aeroplan mallrash që fluturonte për llogari të kompanisë gjermane të logjistikës DHL u rrëzua afër Aeroportit Ndërkombëtar të Vilnius në Lituani mëngjesin e kësaj të hëne, duke vrarë të paktën një person, sipas zyrtarëve lituanez.
Personi i ndjerë u konfirmua nga policia lituaneze se ishte një shtetas spanjoll dhe anëtar i ekuipazhit të fluturimit, por jo një nga pilotët.
Pasagjerët e tjerë të aeroplanit, një gjerman, një lituanez dhe një spanjoll, thuhet se u plagosën, por gjendja e tyre mbeti e paqartë.
Autoriteti i Aviacionit Civil Lituanez deklaroi se pilotët e DHL-së nuk raportuan asnjë problem tek kontrollorët e trafikut ajror përpara rrëzimit.
Atanuk e përjashtojnë mundësinë e një sulmi terrorist, megjithëse teoritë kryesore mbeten mosfunksionimi teknik apo gabimi njerëzor.
Më herët, The Wall Street Journal raportoi se inteligjenca ushtarake ruse kishte planifikuar sulme terroriste në Evropë duke përdorur pako shpërthyese të dërguara nga ajri.
Në korrik, dy parcela shpërthyen në magazinat e DHL. Të dyja pakot u dërguan në Lituani. Sipas raportit, kjo ishte pjesë e përpjekjes së Rusisë për të testuar fizibilitetin e transportit të ngarkesave vetëndezëse në fluturimet ndërkombëtare, duke përfshirë avionët e pasagjerëve që shkojnë në SHBA dhe Kanada.
