WhatsApp ka shtuar një sërë veçorish për t’i bërë thirrjet dhe bisedat në grup më të menaxhueshme. Që nga kjo javë, ju mund të hiqni zërin dhe të dërgoni mesazhe për persona të caktuar në thirrjet tuaja në grup. Njoftimin e bëri vetë kompania në një postim në Twitter të zbuluar nga Android Central (nëpërmjet The Verge).

Ndryshimi i parë duhet të jetë veçanërisht i dobishëm në situatat kur dikush mund të mos jetë i vetëdijshëm se të gjithë të tjerët mund të dëgjojnë se çfarë po ndodh në sfondin e shtëpisë ose zyrës së tyre. Kompania ka shtuar gjithashtu një baner që do t’ju njoftojë kur dikush i bashkohet një telefonate në grup.

“Jemi të lumtur që shohim aftësinë për të bërë ‘mute’ përdorues të caktuar, gjë që do të ndihmojë në parandalimin e daljes së një telefonate nga shinat për shkak të një fëmije që qan ose të një kafeneje me zë të lartë.”

Tani mund t’i dërgoni mesazhe çdo pjesëmarrësi, drejtpërdrejt nga ekrani i thirrjes, p.sh. nëse doni t’i tregoni dikujt që i keni hequr zërin.

Platforma ka punuar shumë për të përmirësuar veçoritë e grupit, duke rritur së fundmi numrin e përdoruesve të lejuar në një telefonatë grupi nga 8 në 32 persona, si dhe duke lejuar 512 anëtarë në një bisedë në grup. Veçoritë e reja të thirrjeve në grup janë të disponueshme tani për shumicën e përdoruesve. Nëse doni të siguroheni që mund t’i përdorni, kujtoni ta bëni aplikacionin tuaj update. Po ashtu, kompania ka krijuar lehtësira edhe për përdoruesit e Android që të kalojnë historikun e tyre të bisedave në një iPhone të ri.

Leave a Reply