Një rast i paprecedentë është shënuar në kryeqytet.
Policia ka shoqëruar dy 13-vjeçarë, të cilët në bashkëpunim me njëri-tjetrin kishin hapur një adresë false në Instagram me emrin Ana Shehu.
Të miturit kontaktonin “viktimat” dhe linin takim me ta. Gjatë komunikimit, të miturit i jepnin adresën e apartamentit ku do të takoheshin dhe i kërkonin 100 euro. Por mënyra që ata kishin zgjedhur për të marrë lekët është “goxha interesante.”
Adoleshentët i kërkonin “viktimave” që kur të futeshin në pallat, në hyrje të linin një zarf me shumën prej 100 eurosh.
Ky ishte kushti që i vendosnin klientëve për tu ngjitur më pas në apartamentin e “Anës” për të zhvilluar takimin.
Shuma e parave merrej nga dy të miturit që prisnin viktimat në hyrje të një pallati në territorin e komisariatit nr.4 dhe më pas largoheshin, raporton Abc.
Klientët trokisnin në një banesë ku nuk i përgjigjej askush.
Lexo edhe:
Mashtronte qytetarët dhe u merrte florinj dhe 500 euro, kush është fallxhorja e ‘famshme’ në Fushë-Krujë? E dënuar edhe në 2013
Finalja e Conference League në Air Albania, hotelet në Tiranë me “oferta speciale” për tifozët: Nga 200 euro/nata e çojnë në mbi 8 mijë euro
Kush është “D.P”, garancia në Ekuador dhe lidhësi me bananet, “Daja” mendonte se mashtronte: Na rropi nga lekët!
