Një aksident ka ndodhur mbrëmjen e kësaj të enjteje në aksin Korçë-Bilisht, ku një automjet është përplasur me karrocën, e si pasojë ka mbetur i plagosur një person.
Aksidenti ndodhi në afërsi të fshatit Zvezdë gjatë orëve të mbrëmjes. Sipas policisë në aksident është përfshirë një mjet i cili është përplasur me një karroce e dhe për pasoje ka mbetur i plagosur drejtuesi i karrocës.
“Më datë 11.04.2024, rreth orës 21:30, në aksin rrugor “Zvezdë-Gollobërdë”, pranë urës të fshatit Zvezdë, Maliq, një automjet tip “Audi”, ka përplasur një karrocë, ku për pasojë ka marrë dëmtime drejtuesi i karrocës, shtetasi F. D., rreth 61 vjeç, banues në Zëmblak, i cili u dërgua për mjekim në spital.’-njofton policia.
I plagosuri u dërgua në spitalin e Korçës për ndihmë mjekësore.
Drejtuesi i automjetit tip “Audi”, ka braktisur automjetin dhe është larguar nga vendi i ngjarjes. Nga ana e Policisë po kryhen veprimet e mëtejshme për identifikimin dhe kapjen e tij.
