Zbardhet lista e plotë e 25 pasurive në pronësi të Jamarbër Malltezit, që janë vënë tashmë nën sekuestro preventive me kërkesë të SPAK që e akuzon dhëndrin e Sali Berishës për korrupsion dhe pastrim parash në aferën e privatizimit të ish-kompleksit “Partizani.
Mes pasurive të sekuestruara është vila në Gjirin e Lalzit, të cilës oficerët e OPGJ-së i vendosën sot shiritin e sekuestros, si dhe disa apartamente me sipërfaqe mbi 300 m2 deri te apartamente “duplex” apo dy kate të bashkuara në një.
Gjithashtu Malltezit i janë sekuestruar 6 llogari bankare dhe 45% të kuotave në emër të tij në shoqërinë Homeplan, 60% të kuotave në emër të tij të shoqërisë Magnet Gym&Fit.
