Pikëpyetja e madhe lidhur me situatën mes Kosovës dhe Serbisë është se çfarë do ndodhë më 1 shtator. Palët kanë shprehur dëshirën për zgjidhje, mirëpo deri tani gjithçka ka mbetur pezull. Pala serbe ka zgjedhur t’ia kalojë ‘topin në fushë’ Kosovës, teksa sipas një qëndrimi zyrtar shprehen se nëse do ketë përshkallëzim të situatën, shkaktar do jetë Albin Kurti. ”Beogradi do të insistojë në një zgjidhje kompromisi, për të ruajtur paqen dhe stabilitetin, por sjellja e Albin Kurtit duket se do të provokojë përshkallëzim”, kështu shprehet Sekretari i Shtetit në Ministrinë e Punëve të Jashtme NemanjaStaroviqteksa shton se tani është përgjegjësi e vendeve të QUINT-it për të parandaluar përshkallëzimin.Duke folur për situatën në veri tëKosovës pas raundit të dështuar të dialogut në Bruksel, ai tha se Serbia do të insistojë në një zgjidhje kompromisi. “Mesazhi më i rëndësishëm që publiku serb mund të dëgjojë nga presidenti Aleksandër Vuçiç është se Serbia do të insistojë në një zgjidhje kompromisi, në mënyrë që të ketë sukses në ruajtjen e paqes dhe stabilitetit, të cilat janë të çmuara për ne, sepse qytetarët e dinë mirë këtë faktse nëse cenohet paqja dhe stabiliteti, ne kemi shumë për të humbur”, tha Staroviq.
Staroviç: Kurti kërkon përshkallëzim të tensioneve
Fatkeqësisht, sipas tij nuk ka perceptim identik në anën tjetër të tryezës së bisedimeve. Zyrtari serb shprehet se ‘Albin Kurti jo vetëm që nuk kujdeset shumë për ruajtjen e paqes dhe stabilitetit, por duke marrë parasysh modelin e sjelljes së tij dhe gjithçka që ka bërë në periudha e mëparshme, duket se ai dëshiron qëllimisht, me vetëdije, me çdo kusht dhe me çdo pretekst të shkaktojë përshkallëzim’. “Ai po e bën këtë duke llogaritur se rrethanat gjeopolitike janë në favor të tij dhe se në këtë mënyrë do të mund t’i realizojë synimet e tij maksimaliste, shtoi Staroviq. Në këtë kontekst, ai thekson se është shumë i rëndësishëm roli i bashkësisë ndërkombëtare, mbi të gjitha i vendeve të Quint-s, të cilat shpeshherë sipas asaj që pohon Staroviç, “i fryjnë velat” administratës së Prishtinës. Ai përmend edhe rolin e KFOR-it, ku kujton se ka detyrë dhe obligim për të garantuar siguri për të gjithë qytetarët e Kosovës, dhe në këtë rast, për të mbrojtur serbët në veri të Kosovës nga dhuna ligjore, politike, madje edhe fizike e ushtruar ndaj tyre nga Prishtina. I pyetur se çfarë do të ndodhë më 1 shtator, Staroviç përgjigjet se është shumë e vështirë të bëhet një parashikim dhe se ‘përpjekjet e Beogradit zyrtar dhe përfaqësuesve politikë të serbëve nga Kosova dhe Metohia janë që të ruajnë paqen dhe stabilitetin me çdo kusht me një vijë të kuqe të qartë, se nuk do të lejojmë një shkelje tëpopullatës serbe’. ”Kur detyrohemi për murin dhe kur nuk kemi zgjidhje tjetër, e vetmja gjë që mbetet është të mbrojmë sigurinë dhe jetën e bashkatdhetarëve tanë”, theksoi Staroviç.“Kam frikë se nuk po flasim vetëm për 1 shtatorin, sepse nëse e kemi parasysh qëllimin e qartë të Albin Kurtit për të shkaktuar përshkallëzim me çdo kusht, mund të ndodhë para dhe pas 1 shtatorit”, paralajmëroi Staroviç. Zyrtari shton se edhe nëse në skenarin më pozitiv do të gjendej një kompromis për targat apo kartat e identitetit, Kurti do të kërkonte një arsye apo justifikim të ri për të zbatuar axhendën e lëvizjeve të njëanshme dhe nxitjes së dhunës.
Roli i QUINT-it
I pyetur nëse vendet e QUINT-it nuk munden apo nuk duan të ndikojnë në Prishtinë, Staroviç thekson se sjellja e QUINT-it nuk ka qenë adekuate në periudhën paraprake, edhe pse ndoshta është e vërtetë se jo të gjitha vendet e QUINT-it janë plotësisht prapa sjelljes së Kurtit. Ai kujtoi se më 31 korrik, kur ishim dëshmitarë të përshkallëzimit më të rëndë në 11 vitet e fundit, u pa se i ashtuquajturi ambasador i SHBA-së në Prishtinë e detyroi Kurtin të “shkel topin” dhe ta shtyjë zbatimin e vendimit të planifikuar për 1 gusht.“Shpresoj që në periudhën e ardhshme, në gjithçka që na pret, reagimi i vendeve të Kuintit do të jetë adekuat, mbi të gjitha i SHBA-së, e cila ka dëshmuar se ka ndikimin më të madh në Prishtinë”, tha Staroviç.
