Në ditën e 16 të pushtimit, trupat ruse kanë zgjeruar ofensivën e tyre në të gjithë Ukrainën ndërsa vazhdojnë përpjekjet për të rrethuar kryeqytetin, Kiev. Ukraina ka akuzuar edhe një herë Rusinë për pengimin e evakuimit të njerëzve nga qyteti port jugor i Mariupolit.
Kushtet në qytetin e rrethuar thuhet se po bëhen gjithnjë e më të vështira, pasi njerëzit po durojnë temperaturat e ulëta pa energji elektrike ndërsa po pakësohen furnizimet me ushqim dhe ujë.
Më shumë korridore humanitare janë rënë dakord për qytetin verilindor të sulmuar të Sumy të shtunën në mëngjes, tha një zyrtar lokal.
Në fjalimin e tij të fundit video, presidenti ukrainas Volodymyr Zelensky u bëri një lutje nënave ruse të rekrutëve që të mos i dërgojnë fëmijët e tyre në luftë.
Presidenti amerikan Joe Biden rithekson se vendi i tij nuk do të ndërhyjë drejtpërdrejt ushtarakisht kundër Rusisë në Ukrainë, por do të zgjerojë listën e oligarkëve rusë që i nënshtrohen sanksioneve ekonomike.
Ukraina sugjeron se Bjellorusia mund t’i bashkohet pushtimit rus në orët e ardhshme.
