Nga Kongresi i PS-së, kryetari i Bashkisë së Tiranës Erion Veliaj i është kundërpërgjigjur Presidentit Ilir Meta, pasi në konferencë e quajti “Zogu i Tiranës”.

Duke e cilësuar Ilir Metën “një fiksimaxhi që rrihet me policët”, Veliaj u shpreh se punimet e këtij Kongresi treguan dhe kontrastin e thellë që ekziston mes socialistëve dhe Presidentit.

“Ishte një Kongres me risi, aq sa komshiu përballë doli në konferencë për të sqaruar atë që njerëzit e dinë dhe mirë që doli se tregoi kontrastin mes nesh dhe një fiksimxhiu që rrihet me policët. Shyqyr që shpëtuan policët e Pallatit të Kongreseve në ndryshim nga ato të FRD-së. Kaq i madh është hendeku mes 2 krahëve të politikës”, tha Veliaj.