FBI dhe agjencitë evropiane thonë se kanë shpërbërë një rrjet global hakerash që kishin mashtruar mijëra persona.
Sipas deklaratës, Departamenti Amerikan i Drejtësisë sekuestroi më shumë se 8 milionë dollarë në kriptomonedhë nga hakerët në SHBA dhe në mbarë botën. Është vlerësuar se të paktën 200,000 kompjuterë janë hakeruar në SHBA dhe 700,000 në mbarë botën.
Studiuesit e sigurisë besojnë se rrjeti i hakerëve ka origjinën në Rusi dhe ka sulmuar organizata në mbarë botën, nga Gjermania në Argjentinë.
“U deshën vite për të ndërtuar “Qakbot” dhe do të ishte e vështirë dhe kërkon kohë për hakerët ta rindërtonin atë në të njëjtën mënyrë që bënin më parë,” tha zyrtari i lartë i FBI-së.
Hakerat në fjalë përdorën një teknikë të sofistikuar sulmi përmes botnet-eve, të cilët janë një rrjet kompjuterash ose pajisjesh të tjera të prekura me softuer keqdashës.
