Zbardhen detaje të reja nga ngjarja tragjike që ndodhi në bashkinë e Lushnjes ku humbi jetën qytetarja Shpresa Cani, sipas policisë 60-vjeçe.

Familjarët e Canit shprehen për mediat se Shpresa dje në mëngjes ishte nisur për në bashki për të kërkuar ndihmë.

“Vetëm kur na erdhi haberi që ka vdekur Shpresa. Ajo ishte vetëm atje. Jetonte me babanë dhe kunatën. Ishte vdekje e papritur.

Iku me këmbët e veta dhe erdhi me arkivol. Te bashkia shkoi për letrat. Atje ra. E kam mbesë. Vuante nga anemia. Ishte talesemike” thanë tezja dhe disa prej familjarëve të tjerë të saj.
Kryetarja e bashkisë Lushnje Eriselda Sefa mohoi lajmet se në zyrën e saj ka pasur debate, por nuk e mohoi që e njëjta gjë të ketë ndodhur në zyrën e përgjegjësit të ndihmës ekonomike.

Policia dje e fshehu ngjarjen dhe sot, 24 orë pas vdekjes reagoi për herë të parë në mënyrë skandaloze duke e cilësuar vdekjen natyrale pa folur për rrethanat ku dhe si ndodhi.