Horoskopi i datës 4 prill 2022 nga Christine Haas
Dashi
Gjatë kësaj dite do mendoheni më gjatë dhe do bëni një analizë të gjërave që ju kanë ndodhur. Do kuptoni disa gabime dhe nga ana tjetër do ndiheni krenarë për disa arritje. Jeta sentimentale për ju që keni një lidhje do jetë e mrekullueshme. Do harxhoni shumë kohë për atë që keni në krah dhe do ia kaloni më së miri në praninë e njëri-tjetrit. Ju beqarët do keni njohje të reja, por nuk do arrini dot të hidhni hapat e para drejt një lidhjeje. Askush nuk do iu duket mjaftueshëm i përshtatshëm. Në punë do keni diskutime të gjata me disa kolegë para se të merrni vendime të rëndësishme. Perspektivat gjithsesi duken të mira. Financat do jenë delikate për shkak të shpenzimeve marramendëse që do bëni.
Demi
Gjatë kësaj dite do jeni të gatshëm të afroheni sa më shumë me njerëzit që ju rrethojnë edhe pse në fakt ata mund t’iu kenë zhgënjyer dikur. Ju të dashuruarve, sjellja e partnerit do duket e shpërqendruar, kapricoze dhe jo koherente. Shpeshherë do e pyesni veten nëse ai në të vërtetë iu do apo jo. Mire do ishte të flisnit me hapur me të që të qetësoheni njëherë e mirë. Ju beqarët duhet të tregoheni të matur dhe të mos filloni aventura sa për të kaluar kohë. Në punë do arrini ta ndryshoni atmosferën dhe tashmë do ndiheni më të qetë në hapat që do hidhni. Do merrni frymë lirisht dhe nuk do trembeni nga asgjë. Financat duhet të vazhdoni t’i menaxhoni me kujdes dhe përpikmëri.
Binjakët
Sot do veproni gjithmonë me gjakftohtësi dhe me kokën lart. Do jeni të bindur se do keni të drejtë dhe gjithçka do ju ece më së miri. Ju të dashuruarit do keni mbështetjen e Marsit dhe do kalojnë momente të mrekullueshme. Partneri do përmbushë edhe disa premtime që iu kishte bërë para disa kohësh. Ju beqarët ka shumë gjasa të gjeni personin e duhur dhe të filloni angazhime serioze. Për punën pritet një ditë e veçantë. Dikush do ju vështrojë nga larg dhe shumë shpejt do ju bërë një propozim të jashtëzakonshëm. Lërini kapricot dhe pranoni ftesat. Do jeni shumë të privilegjuar edhe më vonë. Në planin financiar nuk do keni për çfarë të qaheni. Situata do jetë më e mirë sesa mendonit.
Gaforrja
Gjatë kësaj dite do ndiheni shumë të pakënaqur dhe pa humor. Kjo do ju çojë edhe ne konflikte me ata që keni pranë. Marrëdhënia në çift do jetë goxha e ndërlikuar. Debatet do jenë të shumta dhe asnjëri prej jush nuk do tregohet i gatshëm të tolerojë. Ju beqarët do vazhdoni edhe sot të qëndroni vetëm. Mundësitë për takime do jenë shumë të pakta. Në punë do iu jepen disa urdhra të qarta të cilat duhet t’i ndiqni në mënyrë strikte. Mos bëni sipas mendjes tuaj sepse keni për të pasur probleme akoma më serioze. Në planin financiar mund të përballeni me surpriza jo të mira nëse shpenzoni kuturu. Maturia duhet të mbizotërojë gjatë gjithë ditës.
Luani
Mos u verboni nga fjalët e bukura të të tjerëve sot sepse do mashtroheni dhe do lëndoheni pamasë. Gjithsesi sido të vijnë punët më mirë ruani gjakftohtësinë dhe mos u tregoni impulsivë. Ju të dashuruarit do vazhdoni të keni disa divergjenca me partnerin tuaj të cilat do iu bëjnë të jeni të mërzitur gjithë ditën. Tregohuni më realistë dhe më të kuptueshëm nëse doni pak qetësi. Ju beqarët duhet ta kërkoni dashurinë jo të prisni që ajo t’iu bjerë nga qielli. Në punë mezi do e shtyni ditën në orët e para, por nga rivaliteti i madh do sforcoheni për të bërë të pamundurën. Në planin financiar do keni një problem për të zgjidhur, por me pak mundim e maturi do ia dilni mbanë me sukses.
Virgjëresha
Pa pasur asnjë vështirësi, sot do arrini të gjeni zgjidhje për problemet dhe do ndiheni më të qetë. Marsin dhe Saturnin do i keni planetë udhëheqës. Nëse keni një lidhje duhet patjetër t’i shprehni më tepër ndjenjat në mënyrë që partneri ta kuptojë sa shumë e dashuroni. Po e latë atë pas dore, mund të kërkojë dikë tjetër dhe do ju zëvendësojë. Ju beqarët do keni njohje shumë interesante dhe do filloni një etapë të re. Në punë fillimi i ditës do ju duket paksa më i vështirë. Do iu jepet një detyrë e re dhe nuk do dini nga t’ia filloni. Gjithsesi me kalimin e orëve gjërat do normalizohen. Financat do i vendosni në plan të parë dhe do përkujdeseni gjithë kohës që ato të mbeten të mira.
Peshorja
Gjatë kësaj dite as vetë nuk do dini çfarë doni dhe shpesh do gjendeni në mëdyshje. Nëse nuk jeni të bindur më mirë mos hidhni hapa të mëdha. Ju të dashuruarve do ju ndryshojë shpesh humori dhe do keni probleme të njëpasnjëshme me partnerin tuaj. Nuk do hapni rrugë për asnjë moment. Ju beqarët nuk do keni fat në dashuri dhe do vazhdoni të mbeteni vetëm. Do ju duhet ende të prisni edhe pak kohë për ndryshime të statusit. Në punë nuk do merrni shumë kënaqësi nga rezultatet që do arrini dhe do ju duket vetja më pa vlerë. Mos u dorëzoni asnjë moment dhe kërkoni ndihmë nga të afërmit. Financat do kenë probleme serioze. Vetëm specialistet do ju ndihmojnë kështu që kërkoni ndihmë sa më parë.
Akrepi
Marsi do e ndezë jetën tuaj gjatë kësaj dite dhe në shumë momente do ndiheni keq. Tensioni nuk do ketë të mbaruar. Ka mundësi që ju të dashuruarit të mos keni ditë shumë të qëndrueshme. Nuk do mendoni në të njëjtën mënyrë si partneri juaj dhe kjo do e ndezë mjaft atmosferën. Nëse jeni beqarë nuk do arrini të realizojnë asnjë takim të veçantë dhe kjo do iu dekurajojë pa masë. Në punë, nëse punoni në grup jeta do ju marrë një drejtim tërësisht tjetër. Dëgjojini shefat dhe mos bëni gjëra që janë në kundërshti me ato që ata ju thonë. Në planin financiar do keni vështirësi dhe nuk do dini çfarë të bëni më parë.
Shigjetari
Nëse nuk doni ta ndërlikoni jetën me dorën tuaj mos u nxitoni kur të flisni dhe mos kërkoni gjithmonë t’ua hidhni fajin të tjerëve. Për ju që keni një lidhje, jeta në çift do jetë më e qetë sesa ju e mendonit. Nuk priten as debate dhe as pasion i zjarrta, prandaj merrini gjërat ashtu si t’iu vijnë. Ju beqarët do jeni gjithë kohës në kërkim, por as sot nuk do e gjejnë atë që kërkoni. Yjet këshillojnë të mos i humbni shpresat sepse shumë shpejt jeta juaj do marre një tjetër drejtim. Në punë do jeni ambiciozë dhe nuk do ndaleni derisa të arrini më të mirën e mundshme. Mundet të ndërroni edhe orientimin për të arritur majat. Financat do i menaxhoni me shumë kujdes.
Bricjapi
E gjithë dita juaj do jetë shumë e bukur sot dhe herë pas here do përjetoni kënaqësi të mëdha. Do jeni shumë të përgjegjshëm për çdo hap që do hidhni. Prezenca e Venusit do iu garantoje një mjedis të ngrohtë dhe të mbushur me emocione ju të dashuruarve. Shfrytëzojeni çdo moment kur të jeni pranë partnerit dhe shprehjani atij ndjenjat. Ju beqarët duhet të përgatiteni për një surprizë të madhe që do ndodhë rreth orës 3 pasdite. Në punë duhet të tregoheni shumë të kujdesshëm sepse do mundohen t’iu marrin vendin që keni dhe t’iu nxjerrin të padobishëm. Në planin financiar duhet të bëni pak ekonomi në mënyrë që të arrini ta stabilizoni situatën.
Ujori
Do jeni paksa impulsivë gjatë kësaj dite megjithatë nuk do ju lindin probleme. Ambicia dhe kurajoja që do ju udhëheqë gjithë kohës do jenë të adhurueshme. Për ju të dashuruarit do ketë momente të bukur e me fat kjo e sotmja për të dashuruarit. Mund të realizoni edhe disa plane që kishit bërë dikur dhe do ndiheni akoma më mirë. Edhe nëse keni pasur mosmarrëveshje do e sqaroni situatën. Ju beqarët do filloni një histori dashurie mjaft serioze. Jeta profesionale do marrë një drejtim shumë interesant. Besimin dhe mbështetjen që iu kanë dhënë shefat ju do e shpërbleni me arritjet që do keni. Në planin financiar duhet më tepër maturi dhe kujdes. Mos bëni gabime për të cilat do pendoheni.
Peshqit
Planetët nuk do ndikojnë aspak negativisht gjatë ditës së sotme dhe do jeni pa komplekse fare. Për ju të dashuruarit do ketë momente të mrekullueshme. Partneri do iu surprizojë në çdo moment dhe do iu bëjë të ndiheni më së miri. Ju beqarët do jeni më entuziastë dhe më në humor se kurrë më parë. Jo vetëm që do takoni një person interesant, por mund të filloni edhe një lidhje. Në punë duhet të mbroheni në çdo moment sepse zilia do i bëjë kolegët t’iu vërsulen çdo çast. Kujdes më shumë duhet të bëni nëse mbani poste të lakmuara. Financat do jenë paksa problematike, prandaj bëni shumë kujdes.
