Një ish-Miss Brazili ka vdekur në moshën 27-vjeçare nga hemorragjia e brendshme dhe një atak në zemër pas një operacioni të bajameve.

Mbretëresha e bukurisë Gleycy Correia, e cila u kurorëzua Miss Brazili në vitin 2018, vdiq në një klinikë private të hënën.

Correia, nga Macae, Brazili juglindor, pësoi hemorragji dhe një atak në zemër pas operacionit të heqjes së bajameve. Ajo mbeti në koma për dy muaj pas arrestit kardiak në prill.

Pastorja e familjes Lidiane Alves Oliviera tha:

“Ajo iu nënshtrua një operacioni për të hequr bajamet e saj dhe pas pesë ditësh në shtëpi, ajo pësoi një hemorragji.

Ajo shkoi në Unimed dhe atje pësoi një arrest kardiak më 4 prill dhe që atëherë ishte në koma, pa asnjë aktivitet neurologjik. Sot ajo u nda nga jeta.”

Trupi i saj u dërgua në Institutin e Mjekësisë Ligjore në Macae për autopsi. Correia do të varroset në orën 11:30 me orën lokale të së martës.

Correia u kurorëzua Miss Brazil në vitin 2018. Ajo ishte gjithashtu një sipërmarrëse e specializuar në terapinë me lazer dhe grimin e përhershëm.

Leave a Reply