Këngëtarja e njohur Linda Halimi ka treguar se i ka ndodhur që ta ngacmojnë seksualisht në sy të bashkëshortit në SHBA, ndaj dhe zgjodhi të merrte një pushim nga muzika.

E ftuar në emisionin Goca dhe Gra teksa po komentohej incidenti në çmimet Oscars 2022 mes Will Smith dhe Chris Rock, Halimi tha se në industrinë e muzikës ndodh shpesh që të ngacmohesh nga fansat.

Si artiste femër, nëse mund ta them kështu, më shumë të shohin si objekt seksi sesa si artiste. Kur isha në studio, isha dhe me bashkëshortin dhe ai bëhej sikur nuk ishte bashkëshorti im se nuk donte të më prishte punë. Kur mbaronte kënga më thoshte një producent me emër, çfarë do bësh më vonë, do shohim film bashkë. Pas disa kohësh, vendosa të bëj pak pushim dhe të mos merrem më me industri.”-tha Halimi.

Nuk kam hequr dorë, thjesht nuk e kam marrë më me ngulm. U dëshpërova se isha shumë në siklet. Më thonin hajde shkojmë në pushime unë dhe ti dhe vendosim këngët që do të marrësh.“-shtoi ajo.

Linda Halimi ka disa kohë që nuk ka publikuar një projekt të ri muzikor duke marrë një pauzë të shkurtër dhe duke u përqëndruar në familje.