Mjalti mund të përdoret për të luftuar ftohjet dhe për të hidratuar lëkurën tonë, por mund të mos jemi të ndërgjegjshëm që shkencëtarët e quajnë atë një superushqim për shkak të vetive të tjera që ka për të cilat mund të mos keni dëgjuar kurrë.

Kombinimi i tij me ushqimin është i shijshëm dhe i shëndetshëm, por nëse e konsumoni vetëm një lugë para gjumit do habiteni me rezultatet.

Bright Side ka renditur disa gjëra që mjalti mund të bëjë për trupin tuaj gjatë natës.

Një gjumë i mirë

Mjalti përmban një lëndë ushqyese të quajtur triptofan, një hormon që ju ndihmon të relaksoheni dhe i jep trupit tuaj sinjalin se “është koha për të fjetur”. Edhe pse trupi ynë ka nevojë për këtë aminoacid, ai nuk e prodhon atë në mënyrë natyrale dhe ne mund ta marrim atë përmes ushqimeve tona duke konsumuar produkte si mjalti. Ndonjëherë zgjohemi në mes të natës. Kjo ndodh sepse, gjatë gjumit tonë, truri ynë ka nevojë për një substancë të quajtur glikogjen dhe nxit gjendrat mbiveshkore të nxjerrin adrenalinën dhe kortizolin, të cilat nuk do t’ju lënë të flini. Për fat të mirë, mjalti përmban glikogjen, kështu që konsumimi i tij para gjumit do t’ju ndihmojë të shmangni adrenalinën dhe të siguroni një gjumë të mirë.

Ndihmon në uljen e tensionit

Mjalti përmban komponentë antioksidante që kanë treguar se ulin presionin e gjakut, duke e bërë një lugë mjaltë gjatë natës një mënyrë të mirë për të parandaluar tensionin e lartë.

Ul trigliceridet

Trigliceridet janë një lloj yndyre e pranishme në gjak. Niveli i lartë i triglicerideve nënkupton rrezikun e zhvillimit të sëmundjeve të zemrës dhe diabetit. Për fat të mirë, mjalti është i lidhur me uljen e nivelit të triglicerideve në trupin tuaj.

Forcon sistemin imunitar

Mjalti është i pasur me antioksidantë dhe agjentë antibakterialë të cilët ndihmojnë në rritjen e sistemit tuaj imunitar, duke ju bërë më të fortë në luftimin e infeksioneve të shkaktuara nga mikroorganizmat si bakteret dhe viruset e shumta.

Trupi do e djegë yndyrën më shpejt

Mjalti rrit metabolizmin tuaj duke prodhuar një efekt termogjenik në trupin tuaj. Kjo do të thotë se përmirëson qarkullimin që rrit pak temperaturën e trupit tuaj, duke ju ndihmuar të digjni yndyrën pa shumë përpjekje.

Mban larg kollën

Mjalti është një anti-inflamator natyral. Pra, duke konsumuar një lugë gjelle mjaltë të përzier me ujë të ngrohtë çdo natë ju mund të minimizoni irritimin në fyt dhe të shmangni kollën. Plus, mjalti është një antibiotik i mirë që mund të ndihmojë në luftimin e çdo bakteri që përfundon në fytin tuaj.

Ndihmon në shmangien e depresionit

Mjalti përmban polifenol, një kimikat organik që ndihmon në luftimin e depresionit duke luftuar stresin oksidativ në qelizat e trurit tuaj. Nëse dëshironi të ruani shëndetin tuaj mendor dhe të zgjoheni të motivuar, konsumimi i mjaltit çdo natë do t’ju ndihmojë për këtë.