Detaje të reja kanë dalë në dritë nga atentati në Greqi ku mbeti i vdekur një 32-vjeçari shqiptar, Roan Brahimi, ndërsa mbeti e plagosur bashkëshortja e tij.
Dëshmitarë nga vendi i ngjarjes kanë bërë me dije se çifti kishte shkuar në park për të marrë fëmijën e tyre. Në ato momenti, teksa çifti priste i vetëm në makinë, autori me një motoçikletë ka qëlluar me breshëri arme dhe është larguar me shpejtësi nga vendi i ngjarjes.
“E kuptuam që diçka ndodhi, vrapuam, pamë makinën të parkuar në cep dhe gruaja e tij bërtiste “ndihmë, ndihmë”. Erdhën për të marrë fëmijën që luante”, përshkruan një dëshmitar okular.
Ende nuk dihen shkaqet që çuan në ekzekutimin e të riut në shtetin grek.
