Sa shpesh këshillohet që të bëjmë dush dhe cilat janë orët e rekomanduara?

Një pyetje e tillë shtrohet sepse larja e tepërt mund të bëhet e dëmshme, duke dobësuar sistemin tonë imunitar, duke eliminuar disa baktere të nevojshme për trupin dhe duke shumëfishuar praninë e mikrobeve dhe mikroorganizmave që sulmojnë lëkurën, përveç tharjes dhe plasaritjes së saj.

Një studim i publikuar nga revista ‘Time’ doli në përfundimin se në rastet kur nuk ka djersitje të shtuar, mund të mjaftojë bërja e dushit një ose dy herë në javë.

Gjithashtu, dermatologët na kujtojnë se shtresa më e jashtme e lëkurës sonë, e cila luan një rol mbrojtës vendimtar, mund të ndikohet negativisht nga përdorimi i shumtë i sapunëve dhe ujit të tepërt.

Po kështu, ekspertët rekomandojnë që njerëzit që bëjnë dush çdo ditë të kufizojnë përdorimin e produkteve kimike, pra të mos i përdorin ato sa herë që lahen. Ata theksojnë se nuk është e nevojshme të shkumëzohet i gjithë trupi, por mjafton ta bëjmë atë në ato zona specifike të trupit tonë në të cilat prodhohen sekrecione me erë më të fortë: sqetullat, organet gjenitale dhe këmbët.

Një tjetër pikë që duhet mbajtur parasysh është uji, që nuk duhet të jetë shumë i nxehtë, për të shmangur tharjen e lëkurës, duke shkaktuar dobësi dhe duke ndikuar në qarkullimin e gjakut.

Gjithashtu, duhet të kufizojmë kohën e dushit dhe të ndërrojmë rregullisht sfungjerin, i cili mund të jetë burim i përhapjes së baktereve.

Së fundmi, nuk duhet të harrojmë të thajmë siç duhet të gjitha pjesët e trupit tonë për të parandaluar që mbetjet e lagështisë të krijojnë myk në lëkurë.

Në cilën orë është më mirë të bëni dush? Për të gjitha këto arsye dhe në bazë të asaj që është publikuar, shkenca zgjedh dushet e natës për dy arsye kryesore. E para është që kur bëni dush para se të flini, uji fshin grimcat e depozituara në lëkurë gjatë ditës, duke hequr papastërtitë dhe djersën, duke e lejuar atë të rigjenerohet siç duhet gjatë natës. Dhe e dyta, sepse na ndihmon të përmirësojmë cilësinë e gjumit.

 

Leave a Reply