Gazetarja Anila Hoxha tha se po kryhet një hetim tjetër ndaj ish-ministrit të Brendshëm, Saimir Tahiri.
Pas rezultateve të disa bankave, ka nisur një hetim për një dosje tjetër ndaj tij dhe mund të merret në pyetje nga Prokuroria e Posaçme.
“E kemi marrë vesh nga njerëz të politikës që me Kokën apo Dakon do të ndodhë diçka, nuk është standard. Ministrat janë të rëndësishëm kur kalojnë portën e asaj prokurorie, nga rezultatet m’u tha se 18 janë kryebashkiakë janë nën hetim në SPAK, për dy prej tyre mund të ketë rezultate, nuk mund ta themi. Hetimet që po bëhen ndaj Ceno Klosit për fshehje të ardhurave dhe pastrim parash, hetimi ndaj ish ministrit të Brendshëm Tahiri, kanë dalë rezultatet e disa bankave, po kryhen hetime për një dosje tjetër, do të kërkohet pyetja e tij nga SPAK”, tha Hoxha.
Ndërkohë SPAK po heton edhe lëvizjet e Monika Kryemadhit dhe Ilir Metës me disa banka vendase me një kryeqytet europian dhe një personazh që herë shfaqet e herë zhduket përmes skemave me hapje/ mbyllje apo shitje të aksioneve të kompanisë për të humbur gjurmët pas zbulimit siç zbulon Gazeta Jonë.
