Ata nuk arritën të kalonin në finalen e “Big Brother Vip Albania”, por fituan zemrat e njëri-tjetrit dhe të publikut që vazhdon t’i pëlqejë edhe t’i ndjekë në çdo moment. E kemi fjalën për Sarah Berisha dhe Dj PM, një nga çiftet më të dashur që u krijuan brenda shtëpisë së famshme.
Lidhja e tyre tanimë është e konsoliduar, por me sa duket ka edhe nga ata që vazhdojnë të jenë skeptikë për vërtetësinë e dy personazheve të njohura. Së fundmi, Sarah ka vendosur që t’u përgjigjet pyetjeve të ndjekësve në Instagram shumë prej të cilave kishin të bënin pikërisht për lidhjen e saj me PM.
“A të lëndojnë kur të shkruajnë komente të pavërteta lidhur me PM”?, i shkruan një ndjekës.
“Njerëzit atë punë kanë! Gjithmonë e kanë diçka për të thënë, si për mirë, si për keq. E rëndësishme është që ne jemi në rregull me njëri tjetrin.”, shkruan Sarah.
