Sara Blakely, drejtuesja e kompanisë së të brendshmeve “Spanx”, i ka dhuruar secilit anëtar të stafit të saj 10.000 Dollarë dhe dy bileta avioni të klasit të parë si shpërblim, duke marrë titullin “shefja më e mirë në botë”.
“I kam blerë secilit prej jush 2 bileta avioni në klasin e parë në çfarëdo vendi të botës. Nëse doni një udhëtim të shkurtër, darkë të këndshme apo një hotel të bukur, bashkë me këto bileta të klasit të parë për kudo në botë, merrni edhe 10.000 Dollarë”, u tha shefja punonjësve.
“Ky është një moment i rëndësishëm për secilin prej jush dhe dua të ngre një dolli edhe për gratë që erdhën para meje dhe për të gjitha gratë në botë që nuk e kanë këtë mundësi. Në një moment si ky, unë mendoj për mamanë dhe gjyshen time, pamundësitë dhe të gjitha gratë para tyre”, përfundoi Sara Blakekly fjalimin e saj.
