Animalistja Jonida Gjoka, u bë virale në rrjetet sociale pas deklarateve të saj mbi ujin dhe trajtimin e tij, u bë e njohur dhe për atë që tha se “të hash një kafshë është njësoj si të hash kushëririn tënd”.
Kjo deklaratë u shpërnda në rrjetet sociale duke u shpërndarë dhe komentuar me mijëra herë. Madje shumë faqe e kthyen në batutë apo meme. Por pavarësisht reagimit të publikut animalistja i qëndron deklaratave dhe mendimeve të saj për të cilat theksoi se janë shkencore.
E ftuar në “ABC e Mëngjesit”, ajo tha se të gjitha ato deklarata mbi kafshët dhe ujin nuk janë gjëra të sajuara nga ajo por janë të verifikuara shkencërisht. Ajo tha se kjo gjë është e provuar nga shkencëtari japonez, Masaru Emoto. Jonida tregoi se ajo vetë është vegjetariane, por është në evolim pasi ha frutat e detit.
“Të gjithë komente që janë bërë nuk janë bërë për mua. Jam në katilazitor të krijuar nga demonët apo zoti. Unë km qenë mishngrënëse, po kam hulumtuar që të bëjë një jetë më me kualitet. Në moshën që kam unë kam menduar të kem një jetë më të mirë.
Dëgjo e vërteta është e vërtetë. Mediat më kanë dhënë shumë kredi, po nuk i kam unë këto kredi. Janë studime që janë bërë nga shkencëtarë në laboratorë. Unë kam mbaruar bio-kimi në 92 dhe interior dizanj në Amerikë.
Unë kam sjellë disa foto në fakt që deklaratat që kam bërë nuk janë personale, po mi kanë dhënë mua kreditet.
Njeriu kudo që shkon merr atë që ka brenda, nëse ke zotin brenda ke mirësi, në kundërt ke demonët. Unë i falenderoj të gjithë ata që kanë bërë komente se më kanë dhënë kreditet.
Në fakt gjithçka që është në këtë planet është e gjallë. Ka një krijues dhe tek uji, ka një ndërgjegje si çdo gjë e gjallë. Hindut, indianët e kanë pasur ujin 5 mijë më përpara. Nuk e kam thënë unë, mi keni dhënë mua kreditet. Një gjë që është e gjallë ka memorie, ka ndërgjegje. Nëse kjo është funny, unë në fund të ditës kam bërë diçka. E ka thënë një shkencëtar japonez që e ka thënë këtë, Masaru Emoto quhet ai që e ka studiuar. Është e vërtetë që ne jemi kushërinj si mund ta konsumosh. Duke filluar nga dhëmbët, sistemi tretës ka një zorrë shumë të shkurtër dhe ne e kemi shumë të gjatë si lopa. E treta pehashi është 2.0.
Ne jemi energji, qenie shpirtërore që kemi këtë eksperiencë fizike. Ne jemi ajo që kemi qënë para lindjes dhe pas vdekjes. Këtë e thonë edhe shkrimet fetare.
Tashmë nuk jam më mëkatare. Aktualisht jam vegjetariane, e konsumoj vezën të pastër. Pse duhet t’i bëj unë lopës apo tjetrit diçka. Unë jam dakord me qumështin, me vezën.
Sa më i madh të jetë sistemi nervor aq më e madhe është ajo që ndjejnë. Unë ha vetëm frutat e detit. Do ishte e pamoralshe me mua të thosha që jam perfekte. Jam në evolim. Edhe lutja kur ti e thua me mendje ka fuqi më tepër. Edhe kur gatuan, po bën turli. Mere qepën ti do ti flasësh. Bimët kanë sistemin nervor. Unë jam për atë që bënë më pak dhimbje”, u shpreh animalistja.
