Rasti i dhunimit të një të moshuare nga stafi mjekësor në një qendër për kujdesin e të moshuarve në Pejë, u bë viral dhe tronditi opinionin publik pak kohë më parë.
Mediat kosovare kanë publikuar sot raportin mjekësor pas ekzaminimit të të moshuarës, ku evidentohet se në trupin e saj ka shenja dhune dhe djegie.
“Po, unë e kam pranuar një raport të ekspertizës mjekoligjore, i cili tregon që ka pasur djegie në këmbë dhe shenja të tjera që përshkruhen detajisht në raport. Me këtë raport vërtetohet që e mbrojtura ime nuk është trajtuar siç duhet në atë qendër”, tha Meshari Selimaj, avokati që mbron familjen e të moshuarës që u sulmua në Pejë.
Aty është konstatuar se djegia në këmbën e majtë është shkaktuar si pasojë e temperaturës së lartë, siç mund të jenë lëngjet e nxehta.
Ekspertiza vë në pah se 7 deri 14 ditë më parë ka pasur edhe gjakmbledhje nën lëkurë që dyshohet se janë shkaktuar nga goditja me mjeti të fortë ose përplasjes së trupit në objekt.
