Në mediat greke ka bërë bujë deklarata e Babis Anagnostopoulos, kur mori vesh se vajza nuk do mbajë më emrin e tij, por do marrë mbiemrin e së ëmës që u vra prej tij.
“Procesi përfundoi dhe vajza e vogël mori mbiemrin Crouch. Bazuar në interesin më të mirë të fëmijës, familja vendosi dhe filloi procesin e ndryshimit të mbiemrit në mënyrë që Lidia e vogël të mos mbajë më mbiemrin e një vrasësi”, tha për protothema.gr avokati i familjes së Carolinës, z.Tanasis.
Sipas avokatit , gjyshja e Lidias së vogël nuk dëshiron që fëmija të ketë lidhje me Greqinë për këtë arsye këmbënguli në ndryshimin e mbiemrit.
Në shtator 2023, Gjykata e Apelit e Jurisë së Përzier e Athinës e dënoi Babis Anagnostopoulos me burgim të përjetshëm për vrasjen e gruas së tij Caroline Crouchs dhe me 11.5 vjet burg për vrasja e qenit të familjes, denoncimi i rremë dhe më pas dëshmia e rreme. Ai është dënuar edhe me 21 mijë euro gjobë.
Rreth dy vite më parë ai kishte tentuar të kontaktonte me fëmijën dhe familjen e Caroline, por pa rezultat dhe që nga ajo kohë nuk ka pasur asnjë komunikim me Lidian e vogël. Gjithashtu edhe prindërit e Babis Anagnostopoulos nuk kanë më kontakt me mbesën e tyre.
