Presidenti ukrainas Volodymyr Zelensky ka bërë thirrje për paqe dhe bisedime me Moskën, pa u vonuar më. Ai tha se ky do të ishte i vetmi shans për Rusinë që të kufizojë dëmin nga “gabimet” e saj.
“Është koha për t’u takuar, është koha për të biseduar, është koha për të rivendosur integritetin territorial dhe drejtësinë për Ukrainën. Përndryshe, humbjet e Rusisë do të jenë të tilla që do t’ju duhen disa breza për t’u rikuperuar”, tha Zelensky në një video të ndarë në rrjetet sociale, gjatë natës.
Ukraina pretendoi se një gjeneral rus u vra në Chernobayevka pas një sulmi artilerie. Forcat e armatosura të vendit thanë gjithashtu se mbrojtja ajrore e saj kishte shkatërruar të paktën 12 objektiva ajrore ruse.
