Aksidentohet sërish autobusi i Nadir Çaushollit në Unazë , për fat Lana nuk ishte aty pranë:
Autobusët e kompanisë Green Line që ka Unazën e Tiranës vijon të rrezikojnë jetën e kryeqytetasve nga dita në ditë.
Një tjetër aksident i këtyrë autobusëve është regjistruar mëngjesin e sotëm në Tiranë, krahas të mëparshmëve.
Siç shihet dhe në foton e mëposhtme, urbani ka dalë nga rruga dhe është përplasur me një pemë.
Ngjarja ka ndodhur në rrugën Ferit Xhajko afër rrugës “5 Maji”, një zonë shumë e populluar gjatë fundjavës.
Bashkia u kujdes të përhapte lajmin se “dyshohet se shoferit i ra të fikët” dhe prandaj ndodhi edhe aksidenti. Por ky është justifikimi për të gjitha aksidentet që kanë shkaktuar autobusët e Nadir Çaushollit.
Kështu thanë edhe kur një autobus i Unazës mori para disa makina te Tajvani apo kur një tjetër përfundoi në Lanë.
T e fikti i shoferëve është justifikimi standard kur bëhet fjalë për Nadir Çaushollin dhe autobusët e tij të shkatërruar që përhapin frikë rrugëve të Tiranës.
Bashkia e toleron, policia nuk e kontrollon.
Për fat kësaj radhe nuk kishte Lanë aty ku ndodhi aksidenti!
