“Berisha dhe Basha të mos rikandidojnë!” Alibeaj tregon nëse u pranua kërkesa e Xhaferajt dhe Gjekmarkajt

Gjatë prezantimit të zhvillimeve për platformën e bashkimit të partisë, Enkelejd Alibeaj foli edhe në lidhje me propozimet e disa deputetëve për shtesa në të. Ai tha se këto propozime shtesë nuk janë pranuar pasi shumcia e deputetëve të PD-së nuk ishin dakord me to.

Alibeaj foli në lidhje me propozimet e Ferdinand Xhaferajt dhe Agron Gjekmarkajt për të ndaluar rikandidimin e Berishës dhe Bashës për drejtimin e partisë. Kjo kërkesë sipas tij nuk u pranua nga shumica e deputetëve.

Po ashtu nuk është pranuar edhe shtesa e propozuar nga Alfred Rushaj dhe Fatjon Veizaj për caktimin e disa kritereve shtesë për procedurat e zgjedhjes së kryetarit të PD-së.

Alibeaj tha po ashtu se kishte edhe kërkesa që të ndalohej pjesëmarrja e Berishës në Grupin Parlamentar të PD-së, e cila po ashtu nuk u pranua.

Lexo edhe:

Alibeaj zbulon qëndrimin e grupit të PD për presidentin e ri: Kemi dy kërkesa Enkelejd Alibeaj: Rama dhe Berisha mbajnë sot peng opozitën Çfarë do të ndodh nëse Berisha zgjidhet kryetar i PD? Yuri Kim: Qëndrimi i SHBA është i qartë, do të ishte fatkeqësi nëse…