“Bota me rrota” thotë një shprehje shume popullore këtu në Shqipëri, por që i shkon përshtat shumë vendeve të botës.

E kështu ishte edhe rasti i një vajze të re, e quajtur Kathleen Martinez, e cila tashmë punon si avokate për mbrojtjen e emigrantëve.

Ajo ka rrëfyer për BuzzFeed se si shefi i saj dikur e pushoi nga puna, pasi ajo nuk kishte pranuar t’i bënte kafen.

“Shefi im më pushoi nga puna ime e parë si avokate për shkak se nuk përshtatesha me kulturën konservatore dhe nuk pranova t’i bëja kafen. Kështu që unë themelova firmën time të avokatisë, ku veshim çfarë të duam, bëj çfarë të dua dhe e nxora shefin tim të vjetër ‘jashtë loje’. Pjesa më e bukur? Së fundmi ai aplikoi për një punë në firmën time. I thashë se kemi nevojë për ndihmë për t’i bërë vajzave kafe”. tha Martinez.

Avokatja Martinez tha për BuzzFeed se krijimi i firmës së saj ka qenë një përvojë vërtet e bukur dhe do të thotë shumë për të, pasi do të jetë në gjendje të fuqizojë edhe gratë e tjera.

“Nuk e prisja të kisha një ndikim kaq të madh te vajzat e tjera. Kemi pasur mijëra avokate dhe profesionistë ligjore që aplikojnë për të punuar në firmën tonë”, u shpreh avokatja.

Leave a Reply