Debat i fortë dhe akuza në komisionin hetimor për inceneratorët që po zhvillohet në Kuvendin e Shqipërisë. Socialistët kundërshtojnë dëshminë e gazetarit Artan Rama, pasi sipas tyre është në një proces gjyqësor i paditur për shpifje për këtë cështje.
Por për demokratët, precedenti e rrëzon këtë kërkesë, pasi edhe më herët në komisionet parlamentare kanë dëshmuar persona që kanë qenë nën hetim.
“Nuk ka asnjë konflikt interesi” tha Jorida Tabaku, por socialistët bllokuan dëshminë e gazetarit Rama. “Ai zotëri e ka bërë punën e tij, ne po flasim për papajtueshmëri për të qenë dëshmitarë në këtë komision” tha Arben Pëllumbi.
Debati në komision
Etjen Xhafaj: Mos bëni viktimën kot këtu.
Jorida Tabaku: Meqë kemi kuorum, dua zotin Pëllumbi këtu. Kemi 10 ditë kohë…
Arben Pëllumbi: Mos bëni insinuata që ne duam të pengojmë punën e komisionit.
Edmond Spaho: Ju keni frikë nga e vërteta dhe bëni lojëra këtu, që dëshmitari ka konflikt interesi. Këtu janë vjedhur dhe pastruar paratë. Turp të keni.
Jorida Tabaku: Ju lutem, se mund ta zgjidh unë këtë.
Edmond Spaho: Specialistët e komisionit të mbajnë qëndrimi asjëanëse.
Ndërhyjnë socialistët
Jorida Tabaku: Jam duke folur, fjalën këtu e jap unë. Nuk duhet të kemi frikë nga gazetarët. Le t’i lëmë të flasim, pasi nuk është në konflikt. Boll më!
