Pisllëqe edhe me helikopterët? Dyshime të forta mbi tenderin e fituar prej kompanisë së Sadri Abazit
Në datë 31 Maj ministria e Mbrojtjes që drejtohet nga Niko Peleshi i ka dhënë tenderin për ndërtimin e hangarit për helikopterë në bazën ajrore të Farkës nipit të ish-deputetit socialist, Sadri Abazi 407 milionë lekë, ose mbi 4 milionë euro bashkë me TVSH-në ishte fondi limit.
384 milionë lekë ofroi bashkimi i operatorëve “AGRI CONSTRUCTION” dhe “ALKO-IMPEX General Construcion” e cila është në pronësi të Arbër Abazit. Kohëzgjatja e kontratës ose afati kohor për ndërtimin e hangarit është 24 muaj, ose dy vite nga momenti që do të lidhet kontrata
Por si u zgjodh fituesi?
Ministria e Mbrojtjes thotë se fituesi i tenderit për hangarin ku do të futen helikopterët që do të vijnë nga SHBA u bë bazuar te oferta ekonomikisht më e favorshme bazuar në çmim. Por të shohim pak ofertat e tjera.
Në garë ishin në total tetë kompani. Tre kompani nuk kanë paraqitur fare ofertë duke ngritur dyshime për fasadë.
Tre kompani paraqitën oferta shumë herë më të vogla se fituesi, përkatësisht; “Kacdedja” dhe “Ulza” 315 milionë lekë, “Llazo” 325 milionë lekë dhe “Salillari” me “Bajramin” 359 milionë lekë.
Por pavarësisht këtij fakti, pra që kishte oferta shumë herë më të vogla, komisioni i vlerësimit të ofertave në Ministrinë e Mbrojtjes i ka kapur me disa kushte të paplotësuara këto kompani duke zgjedhur bashkimin e operatorëve ku brenda është edhe firma e Arbër Abazit.
Ministria e Mbrojtjes synon që të ndërtojë një hangar të ri për strehimin e helikopterëve UH60 “Black Hawk” që mbërrijnë këtë shtator nga Shtetet e Bashkuara të Amerikës. tenderin helikopterët sadri abazit tenderin helikopterët sadri abazit
