Dy këngëtarët e njohur Afrim Muqiqi dhe Ramadan Krasniqi kanë rregulluar pas disa vitesh raportin e krisur që kishin mes njëri-tjetrit.
Arimi dhe Dani kanë qenë miq shumë të ngushtë por gjërat ndryshuan rreth 6 vite më parë. Në një intervistë të dhënë disa kohë më parë, Afrimi u shpreh se këngëtari nuk e ndihmoi kur ai kishte nevojë.
“Kemi pasur një keqkuptim të cilin e kemi kaluar. Arsyeja ka qenë për një punë zëvendësimi në një mbrëmje të maturës ku isha i ftuar në Suedi dhe aty u ngatërruam për punë të termineve. Por, duke pasur parasysh të kaluarën që unë e kam zëvendësuar kolegun tim të nderuar ndoshta mbi 30-40 herë. Ai nuk qe në gjendje të ma kthejë një herë, dhe ai ka qenë konfrontimi”, tha Muqiqi disa vite më parë.
Tashmë duket se dy këngëtarët i kanë lënë pas krahëve hatërmbetjet. Së fundmi ata sollën dhe një bashkëpunim muzikor. I pyetur se çfarë raporti ruajnë tashmë me njëri- tjetrin, Afrimi tha:
“Ajo ka qenë një ftohje normale e asaj kohe megjithatë në skenë, unë jam profesionalisht dhe nuk mund ta shpreh me u reflektuar ajo. Ne jemi kolegë, është këngëtar i madh që ka lënë gjurmë në muzikën popullore dhe është kënaqësi që të kemi një projekt dhe nuk ka asgjë të keqe.
Ne jemi prapë miq, është normale. Unë prapë kam të njëjtin mendim, kur vjen puna te profesioni jam shumë profesional. Mendimin që kam dhënë para pesë vitesh, e them dhe sot”, tha artisti për “Prive”.
