Zyrtarë nga Kina kanë konfermuar se Rusia nuk ka kërkuar pajisje ushtarake apo ndihmë tjetër për të mbështetur luftën e saj në Ukrainë. Dy zyrtarë amerikanë janë shprehur për CNN të dielën se Rusia i ka kërkuar Kinës mbështetje ushtarake, përfshirë dronët, si dhe ndihmë ekonomike për pushtimin e saj të paprovokuar.
Duke folur të hënën, zëdhënësi i Ministrisë së Punëve të Jashtme Zhao Lijian tha në një konferencë shtypi se SHBA-ja po shpërndante dezinformata.
Kohët e fundit, palës amerikane i ka shpërndarë dezinformata kundër Kinës për çështjen e Ukrainës me qëllime të liga, tha Lijian kur u pyet për kërkesën ruse për ndihmë.
Pozicioni i Kinës për çështjen e Ukrainës është konsistent dhe i qartë, dhe ne kemi luajtur një rol konstruktiv në promovimin e bisedimeve të paqes. Është e domosdoshme që të gjitha palët të ushtrojnë përmbajtje dhe të qetësojnë tensionin, në vend që t’i hedhin benzinë zjarrit, dhe është e rëndësishme të shtyhet për një zgjidhje diplomatike, në vend që të përshkallëzohet më tej situata” përfundoi fjalën e tij Lijian.
