![](https://gazetajone.com/wp-content/uploads/2024/03/ergys-agasi-xhevdet-troplini-durres-.jpg)
Kush është në të vërtetë Ergys Agasi ? Një personazh që ngjall SHUMË kuriozitet dhe një FOTO që tregon shumë
Ergys Agasi, djali i ish-deputetit socialist nga Durrësi, Bardhyl Agasi ka mbajtur në publik pozicione të dorës së dytë, por për ata që njohin fijet e pushtetit dhe lidhjet e tij me klane të politikës dhe “nëntokës”, mendojnë ndryshe. Atë e vendosin Agasin në rresht të parë.
Ditë më parë, Gazeta Jonë publikoi foton e mëposhtme, ku mes personazheve “VIP”, në sfond gjendej edhe Ergys Agasi.
![Kush është në të vërtetë Ergys Agasi ? Një personazh që ngjall SHUMË kuriozitet dhe një FOTO që tregon shumë](https://gazetajone.com/wp-content/uploads/2024/03/ergys-agasi-xhevdet-troplini-ovvital-ilir-meta-.jpg)
Fotoja është fiksuar gjatë një vizite të Ilir Metës në kompaninë e vezëve Ovvital në Durrës pasi biznesmeni Xhevdet Troplini kishte përfituar nga fondet e Ministrisë së Bujqësisë. Në aktivitet ishte edhe ish-ministri Panariti.
Por pyetja që shtruan disa që njohin mirë jo atë që duket, por atë që nuk duket në Shqipëri dhe specifikisht në Durrës dhe Tiranë, ishte: Nëse Meta ishte në aktivitet për shkak të miqësisë me Troplinin dhe Panariti sepse ishte ministri i linjës, po Agasi pse gjendej aty?!
Shpjegimi i asaj fotoje do të zbulonte shumë mbi personazhe të akuzuar se çojnë dhe marrin porosi mes politikës dhe grupeve të fuqishme në bregdet dhe kryeqytet.
![Nje nder kullat qe po ndertohet ne Tirane te ish-shkolla e Partise qe te nxjerr shume shpejt per ne Durres](https://gazetajone.com/wp-content/uploads/2024/03/IMG_2367.png)
Shumë nuk guxojnë madje ta përmendin e Agasit, kjo edhe për shkak të fotove të pakta që ekzistojë në publik të tij, ku edhe në ato ku ka dalë, si në rastin e mësipërm, gjendet me personazhe që vërtetë ngjallin frikë duke bërë që çështje të tilla të tejkalojnë edhe misionin e medias…
Gazeta Jonë ka investiguar prej muajsh mbi figurën e Agasit për shkak të lidhjeve të tij me politikën dhe personazhe të njohur të krimit, siç konfirmojnë edhe postimet e mëparshme në rrjetet sociale, por refuzojmë të vijojë për momentin me publikimin për të mos u bërë pjesë e agjendave politike. Nëse do të gjykohet, Ergys Gasi duhet dhe MERITON të gjykohet vetëm nga Drejtesia dhe jo nga frëngjit e luftës së brendshme brenda PS apo prej ballkoneve të PD. Vijojmë pas disa javësh me detaje mbi kullën në foton e mësipërme, kush po ndërton vërtetë aty, roli i një oligarku, kush e bleu pastaj projektin dhe sa, etj. /GazetaJonë