Don Xhoni është padiskutim një nga reperët më të përfolur të momentit. Vetëm pak kohë nga nisja e karrierës së tij dhe ai ka arritur të fitojë zemrat e ndjekësve. Këngët e tij numërojnë miliona klikime duke e bërë kështu reperin shumë të pëlqyer nga ndjekësit. E dashamirësit e muzikës së tij janë padyshim në pritje të projekteve të reja muzikore që Xhonatani do të lansojë.
Padyshim që një artist si ai nuk mund t’i mungonte sezonit të nxehtë veror dhe pikërisht këtë na ka paralajmëruar reperi. Disa ditë më parë ai na zbuloi se do të publikojë një këngë me emrin ‘Katile’. Me postimin e fundit në ‘Instagram’, Don Xhoni na ka treguar detaje të reja në lidhje me këngën e re, ku ka zbuluar për herë të parë ‘Katilen’, e cila është bukuroshja e njohur Megi Pojani. Kënga që të gjithë mezi po e presin do të publikohet në datën 7 Korrik në orën 23:59.
