NATO po zhvillon sot një stërvitje të madhe ushtarake në vendet Baltike vetëm një ditë pasi Finlanda dhe Suedia konfirmuan synimin e tyre për t’u bashkuar me aleancën, duke rritur tensionet me Rusinë.
Rreth 15 000 trupa nga 10 vende të ndryshme, duke përfshirë Finlandën, Suedinë dhe një garnizon të vogël nga Ukraina, do të marrin pjesë në stërvitjen e quajtur “Iriqi” që do të zhvillohet vetëm 40 milje nga një bazë ushtarake ruse.
Stërvitja do të simulojë një sulm nga Rusia në Estoni dhe do të jetë një nga manovrat më të mëdha të realizuara që nga viti 1991.
